أشعار | أحمد إبراهيم خليل

 

إسمع منى

يا إللى بتسمع عنى تعالى وإسمعنى

قبل ماتفكر فى كلام صعب يوجعنى 

يمكن يأثر فيك كمان وتبعنى

من غير سبب أخسرك ليه وتخسرنى 

تعالى إتكلم وإسمع منى

أصل العشره مش بالساهل

ممكن تقدر تبعد عنى 

علشان تسمع واحد جاهل

الكلام للناس الفاضيه

شاطره بس تقول كلام

البعد عنهم ضربه قاضيه

لكل واحد مش تمام

فى ناس تشوفها تقول ملاك

كلامها حلو يعجبك

وهى بحر من الهلاك

لو مشيت وراها تهبلك

فيه ناس الحقد عاميها

وناس الكره ماليها

وناس مريضه أوى

إدعى ربنا يشفيها

**********

أبويا وأمى

أبويا وأمى مفيش غيرهم

عايش حياتى أنا فى خيرهم

 أملهم فى الدنيا يشوفوا

عايش حياتى أحسن منهم

أبويا سندى وأمانى

وأمى عطفى وحنانى

من يوم ميلادى أبويا وأمى

حارمين روحهم علشانى

كل سكه أنا بمشيها

أبويا قبلى مشي عليها

بيدوس ع الشوك قبل ما أدوسه

ويفرش لى السكه أعديها

بدوس على الجرح وبعدى

بدعاكى يا أمى مين أدى

حبك مزيل لأى هموم

يا شمعه آيده عشان تدى

العمر عدى ومازالوا

شايلين همى أكتر وأكتر

أقول كفايه ياأبويا وأمى

يقولوا ياإبنى إزاى نقدر

كفايه كبرتوا ومش قادرين

سيبونى أرد أى جميل

يقولوا طول ما إحنا عايشين

هنفضل عنك يا إبنى نشيل

______

كلماتى 

أحمد إبراهيم خليل

كلماتى

أحمد إبراهيم خليل