تحميل كتاب «مذكرات فتاة مكبوتة» pdf مجّانًا للكاتبة المصرية: إيمان مصطفى

”هي مجموعة من المذكرات للعديد من الفتيات في  المجتمع المصري الأصيل ، مجموعة حكايات بالعامية؛ بتتكلم عن البنات في المجتمع ده. وبما أننا في ”مجتمع ذكوري لا ينصف للمرأة“ قررت بأن أهدي  الكتاب دة للفتيات المكبوتات وكلمة الكبت لا تعني بالضرورة الجلوس في غرفة مظلمة إنما هي:
- حرمان الفتاة من التعليم  .. كبت.
- اجبارها على الزواج في سن صغير .. كبت.
- اللعب بمشاعرها وصدمها بحب فاشل .. كبت.
- حرمانها من  الحوار ومشاعر الحب والتقبل من جانب أسرتها..كبت.
- التفريق بينها وبين الولد... كبت.
- حريتها في ارتداء اللي عاوزاه بسبب خوف من تحرش أو اغتصاب... كبت.
- توجيه الظلم ليها، والتضييق عليها وتعنيفها وتحجيمها وضربها ووصفها بالضعف دومًا..  كبت.
الكتاب دا فيه حاجات كتير متناقضة وحاجات متناسقه لأنه ببساطة بيعبر عن البنات اللي فيهم كميه تناقض ومشاعر كتير عكس بعض فيهم الخير والشر.
ومن خلال هذا الكتاب أوجه لهم تحية حارة للفتيات ..لنصف المجتمع بل أكثر من النصف بكثير.“ إيمان مصطفى أحمد.
___________
عدد الصفحات: 88 صفحة
حجم الكتاب: 1,38 ميجا
تدقيق الكتاب: فريق الدار
تصميم الغلاف: فريق الدار
تنسيق داخلي وإخراج: فريق الدار
اقتباسات:

”للأسف كان كل علاقة فيها فَشَل، ولازم فيه حلقة ناقصة في الموضوع! تعِبت ونفسيتي ساءت. بقى معنديش طاقة أن أعمِل أي حاجة وحسيت نفسي في دوّامة... عارفين الدوّامة إللي غنتها (صباح). بس مش دوّامة الحب لأ دي دوّامة العلاقات ومرمطتها! حسيت بأني تائهة! وكأني قطة مشرّدة، وكل باب أقف قصاده يتقفل في وشي بقوة... كنت محرومة من الدفء، اللي جوه البيوت، وللأسف واقفة متلجة برّة لوحدي!“
***
”متقدرش تساوي بين الولد والبنت أبدًا؛ البنت كائن معقّد هي نفسها في أوقات كتير بتبقى مش عارفة هي عاوزة إيه في الحياة؟ عاوزه تعيش دور الاستقلال تشتغل وتحقّق أحلامها، ولا تتجوّز وتنجب وتكوِّن أسرة كلها دفء وحُب واستقرار.
عاوزة تعيش (سنجل/عزباء) وتحب كل شوية واحد، ولا تستقر وتختار واحد بس تقضي معه بقيّة حياتها!“
***
”كنت دايمًا أقول: أمي هي السبب في حياتي الجحيمية دي، لأن لولاها مكنتش جيت الحياة القاسية دي، أو لو كانت أحسنت الاختيار لكان بقي عندي أب مسؤول يرعاني و يكون فخور بيّ وانا سعيدة بأنه هو ده والدي، ما هو أصل الأب ده اول قصة حب في حياة كل بنت. كنت كل ما أسمع قصص زمايلنا في الشغل عن الحب والجواز، كنت بتريق عليهم جوايا وبقول مجرد أغبياء. من كتر كرهي في الرجالة كنت بشوفهم في أشكال مخيفة زي الشياطين، كنت بحاول محاولات كتير علشان اقضي على كل رغبة وإحساس جوايا ناحيتهم.“

نبذة عن الكاتب:
الاسم: إيمان مصطفى
الدولة: مصر_ أسوان
حاصلة على بكالريوس تربية قسم طفولة.
كاتبة صحفية شابة نشرت لها عدة مقالات في جريدة الجمهورية الورقية, واليوم السابع, وفيتو, واليوم الجديد.
وتعمل مراسلة صحفيّة لأسوان لجرائد: الصدى الأخبارية، والمدار.
أعمال سابقة:
1- شاركت في كتاب "انامل قصصية" في معرض القاهرة الدولي للكتاب 2018 ضمن اصدارات دار لوتس للنشر الحر.
 2- صدر لها اول رواية رومانسية في مسيرتها الادبية وهي رواية "هكذا ضعنا" ضمن اصدار دار لوتس للنشر الحر في معرض القاهرة الدولي للكتاب 2019.
3- وأيضًا عدة كتب مثل كتاب "مدينة حرف" و "حكاوي ولاد بلدنا", "كتاب قطرات منثورة".
__________________________

◀ لتحميل الكتاب pdf مجاناً: اضغط هنا؟
◀لقراءة الكتاب مباشرة: اضغط هنا؟
◀ لمناقشة الكتاب على جروب الدار: اضغط هنا؟
◀ لتقييم الكتاب على موقع "جود ريدز": اضغط هنا؟